Brjóstastækkun og Vefrit

Ég bara get ekki á mér setið að benda á þetta hér.

Mæli með Vefritinu!

Ókeypis kaffi latte

Ég var alveg fáránlega glöð í morgun þegar keypti mér latte á Kaffi Roma og komst að því að klippikortið mitt var orðið fullt og sá næsti yrði ókeypis. Svo mundi ég eftir því að Kaffitársklippikortið mitt er orðið fullt líka - frábært, ókeypis latte þar líka!

Svo fór ég að reikna. Til þess að fá 2 "ókeypis" latte hafði ég nefnilega keypt mér 22 og þeir voru sko alls ekkert ókeypis, eiginlega bara rándýrir. Kannski spurning um að kötta þetta aðeins niður og reyna að eyða peningunum sínum í eitthvað annað en bara kaffi!

Alltaf sama sagan

Sjálfstæðismenn hafa komið einu sinni enn útúr skápnum:

1. Geir H. Haarde: 1.823 atkvæði í 1. sæti
2. Björn Bjarnason: 907 atkvæði í 1.-2. sæti
3. Guðlaugur Þór Þórðarson: 1.078 atkvæði í 1.-3. sæti
4. Guðfinna S. Bjarnadóttir: 812 atkvæði í 1.-4. sæti
5. Ásta Möller: 931 atkvæði í 1.-5. sæti
6. Illugi Gunnarsson: 1.104 atkvæði í 1.-6. sæti
7. Pétur Blöndal: 1.214 atkvæði í 1.-7. sæti
8. Sigurður Kári Kristjánsson: 1.344 atkvæði í 1.-8. sæti
9. Birgir Ármannsson: 1.459 atkvæði í 1.-9. sæti
10. Sigríður Ásthildur Andersen: 1.245 atkvæði í 1.-10. sæti
11. Dögg Pálsdóttir 1.215 í 1.-11. sæti
12. Grazyna Okuniewska 717 atkvæði í 1.-12. sæti.

Ef þetta verður endanlega niðurstaðan í prófkjörinu og fjöldi þingmanna Sjálfstæðisflokksins í Reykjavík helst óbreyttur í næstu kosningum taka sjö karlar og tvær konur af þessum lista sæti á Alþingi í vor! 

Gulir og góðir

Grein dagsins í dag fjallar um uppáhaldsbílana mína.

Tékkitt!

Vefrit og styrkjasöfnun

Ég er farin að hafa tölvupóstaskrif að aðalatvinnu.

Ættarmót

Ég held að þetta séu furðulegustu samkomur sem fyrirfinnast um víða veröld. Nýuppgötvaður frændi minn sem býr í Noregi var held ég sammála.

Kórónaði síðan helgina með tólfhundruð króna bíóferð, ég fór semsagt að sjá Mýrina. Fín mynd, veit samt ekki alveg með tólfhundruðkallinn.

Airwaves

Í nótt var ég vakin upp við þær fregnir að litla systir mín hefði hitt Harrison Ford á götu og meira að segja heilsað honum!

Gjörgæslan

Þá er það ákveðið - heilum tíu vikum í vor verður eytt á gjörgæslunni. Þar ætla ég að rannsaka sýklasótt, spennandi að vita hvað kemur út úr því ....

Ljúfa lífið

þessa dagana eftir madness þeirrar síðustu. Gaman, gaman. Mér finnst ofsafínt að vakna seint, fara á kaffihús, kannski tvisvar og drekka latte, hitta loksins kærastann minn, horfa á vídjó og borða pizzu upp í rúmi. 

Ekki það að ég gæti ekki farið í skólann, valið mér rannsóknarverkefni, lesið lyfjafræði og meinafræði. En það eru allt saman seinni tíma vandamál.

Októberfest

Ég tók Októberfest með trompi. Tjaldið var óneitanlega hakkað en batnaði mjög mikið eftir því sem bjórunum fjölgaði. Skipulagði eins og eina ferð til Buenos Aires með viðkomu í Ríó, ruglaði heilmikið í plötusnúðnum, verslaði skot af dóttur forsætisráðherra á Vökubarnum, kyssti strák á Röskvubarnum, tók þátt í gríðarlegri próflokagleði þriðja árs læknanema sem voru hressir. 

Já, það var gaman. Afgangurinn af helginni hefur aftur á móti ekki verið það skemmtilegur og einkennst af þynnku og vinnu. Í næstu viku ætla ég að vera dugleg ....

Minni enn og aftur á Vefritið, mál málanna þessa dagana ....