Menningarlega heft (en ekki Sufjan)

Kærastinn minn stendur í þeirri meiningu að ég sé menningarlega heft, og gæti haft nokkuð til síns máls þar sem ég hef misst af mjög mörgum "ómissandi" kvikmyndum gegnum tíðina og ekki einu sinni heyrt minnst á marga "must-see" sjónvarpsþætti ....

Þetta stendur hins vegar allt aldeilis til bóta, og í nótt sá ég í fyrsta sinn stórmyndina Pulp Fiction í heild sinni! Þetta var eiginlega bara frábær mynd, og ég hlakka bara til að horfa á fleiri gamlar og góðar myndir sem ég hef bara aldrei séð! Þar á ég náttúrlega mjög margar eftir .... hlakka samt sérstaklega til að sjá Guðföður-seríuna og einhverja gamla Bonda (sem er víst skylda að sjá).

 

Sufjan var hins vegar alls ekkert menningarlega heftur, heldur bara geeeðveikur. Fljúgandi jólasveinar, huggulegar og fyndnar sögur og þessi frábæru lög, allt í ótrúlega miklu návígi í Fríkirkjunni. Hápunktur tónleikanna var að mínu mati John Wayne Gacy jr, uppáhalds Sufjan Stevens lagið mitt, sem var alveg frábærlega vel flutt að auki. Gaman, gaman.

Athugasemdir

[Steindór (IP-tala skráð) 19.11.2006 kl. 23:00]

Við verðum að forgangsraða, Bond er kannski ekki fremstur í þeirri röð...

[Agnar Freyr Helgason, 20.11.2006 kl. 09:36]

Ég fagna því að það standi til að afhefta þig, þó fyrr hefði verið! Ég er sammála kallinum um að Bond sé ekki í forgangi - myndi t.d. setja Pink Flamingos mun ofar á MUST-SEE listann.

[Helga Tryggvadóttir, 20.11.2006 kl. 16:30]

Já, ég sé að það er algjört möst! Eða kannski bara hitta aðra flamengóa, kominn tími til!