Lífræn Helga

Nú þegar ég er hætt að drekka hið ógeðslega ólífræna Coca-cola er svo sannarlega öðruvísi um að litast í kjallaranum fína, Reynimel 26.

Ég fer í Melabúðina á hverjum degi, og ekkert ólífrænt fær að rata ofan í körfuna mína. Heppilegt, því eiginlega allt í Melabúðinni er lífrænt. Lífræn vínber og epli, lífræn AB-mjólk, lífrænn ávaxtasafi og trefjamúslí (sem ég hef reyndar grunað um að vera ansi sykrað en borða samt því eftir að hafa eytt ófáum dögum í að lesa um sjúkdóma ristils kemur ekki annað til greina en að borða allar þær trefjar sem maður kemst í!)

Næsta skref er að dúkka allt í einu upp í ræktinni, sjálfri mér og öðrum til furðu, helst eldsnemma um morgun!

Athugasemdir

[Rúdolf (IP-tala skráð) 27.1.2007 kl. 23:53]

+ þú þarft ekki að hætta að drekka áfengi eða nota bensín.

[Valdís (IP-tala skráð) 28.1.2007 kl. 00:02]

heyhey stolt af stelpunni...

Lífrænt er miklu betra en hitt og kók er ógeð..hehe

Gó Helga :)

[Bragi Einarsson, 28.1.2007 kl. 18:30]

til hamingju að vera hætt að drekka þennan ógeðisdrykk!

[Helga Tryggvadóttir, 28.1.2007 kl. 23:23]

haha, já takk fyrir það. Allt annað líf náttúrlega!