Rösquiz

Mæli mikið með Rösquiz í kvöld. Þemað er Samuel L. Jackson (ekki Morgan Freeman eins og varð smá misskilningur um). Spyrillinn er að auki fáránlega sætur.

Háskólaandinn við Grensás

Mér finnst gaman að fara í Háskólann. Mér finnst meira að segja gaman að flakka á milli bygginga háskólans, sem eru allar svo skemmtilega ólíkar. Mér finnst gaman að skoða hvað er mismunandi stemning í byggingunum, ólíkt fólk lærir mismunandi fög.

Ég fíla Stúdentakjallarann, Stúdentaheimilið við Hringbraut, Kaffitár í Þjóðminjasafninu, meira að segja Þjóðarbókhlöðuna og trúi á háskólaandann.

Hvers á ég þá að gjalda að vera í skólanum í Ármúla 30, við Grensás? 

Vinsamlegast slökkvið á farsímum!

Nick Cave var góður. Konan sem sat við hliðina á okkur og lét símann sinn hringja út í miðjum fáránlega fallegum en afar lágstemmdum bút af God Is In The House var hins vegar ekki vinsæl. Hringingin var Nokia Tune, alveg eins og í lélegri auglýsingu.

Sjálfsaginn minn hefur náð nýjum lægðum. Ég fer ekki í skólann á morgnana og hangi á netinu í Þjóðarbókhlöðunni heilu og hálfu dagana, í þeirri fullvissu að ég muni redda prófunum sem nálgast á ljóshraða. Eins og maður hefur svosem alltaf reddað hlutunum fyrir horn til þessa ...

Sumarpróf kemur samt náttúrlega ekki til greina, enda ætla ég að vera meira í útlöndum og minna á Íslandi næsta sumar. Fyrst Kenýa í júní, síðan er stefnt að því að túra Austur-Evrópu í ágúst.

Tótallý lovlí. En fyrst bakteríurnar.

Flutningar

Kjallarasystur hafa yfirgefið kjallarann. Sædísi er að finna á Myspace, Anna heldur til í Kópavogi og ég er komin hingað ....