this is what you'll get

Haustið leggst eitthvað undarlega í mig þetta árið. Veit ekki alveg hvað það er: veðrið, yfirvofandi próf með tilheyrandi athyglisbresti, annríki eða hvað.

Ég skil reyndar ekki hvaða bull það er því þetta haust gæti svo sannarlega orðið fáránlega skemmtilegt: við erum búin að fá lyklana að íbúðinni okkar og flytjum væntanlega inn strax eftir næstu mánaðamót, skipulögð hefur verið ein Prag-ferð og reisa okkar stelpnanna norður í land í verknám á Fjórðungssjúkrahúsinu á Akureyri. Fyrir nú utan að verknámið fer loksins aaaalveg að byrja eftir mjög mjög langa bið ....

Ég er samt aðeins súr yfir að sumarið sé búið. Sumarið sem var svo ógeðslega skemmtilegt:

sem sjá má er ég með gíraffa á heilanum og það er sjúklegt hvað mig langar aftur til Afríku. Næst ætla ég að ganga á Kilimanjaro ..... 

Jæja, þá er komið að því! Við leggjum af stað eldsnemma í fyrramálið og verðum komnar til Nairobi í bítið á mánudagsmorguninn. Morgundeginum verður vonandi að hluta til eytt á kaffihúsi í Lundúnaborg ....

Við segjum ferðasögur hér. 

.... fyrst ég á mér ekkert sjálf. 

Eftir tvo daga og fjörutíu fyrirlestra leið mér í gærkvöldi alveg eins og ég hefði orðið fyrir strætó, knock out (mús??) Erfiðast var þegar ég þurfti sjálf að standa fyrir máli mínu og svara mis-nasty spurningum, meðal annars um meinta tölfræði bak við fínu rannsóknina mína. Jújú, samt ekki misskilja mig, þetta gekk allsekkert illa - allavega ekki samkvæmt mömmu .....

Í gærkvöldi ákváðum við þessvegna að fara í langþráð bíó. Ég held að það segi ýmislegt um andlegt ástand mitt að ég hef ekki grátið jafn mikið yfir bíómynd síðan ég sá Lilju forever, og þá er mikið sagt! Myndin var gjörsamlega æðisleg.

Ég hélt að eftir "hressandi" bíóferð myndi vakna hress og til í tuskið en það er öðru nær. Ég er komin með gubb upp í háls af ritgerðinni minni (fer ansi vel á því reyndar, fyrst hún fjallar hvorteðer um gubb). Mér finnst ósanngjarnt að vera að skrifa ritgerð til 4. júní, sumarið er komið og ég nenni ekki meir. kannski spurning um að skila þessu bara svona, án ályktana, hverjum er ekki sama um ályktanir þegar er hægt að rífast um tölfræði?

= partý

Ég held stundum að hlutirnir muni bara gerast fyrirhafnarlaust. Þegar ég fer í H&M finnst mér eins og sé verið að gefa mér föt þannig að ég tek bara allt sem mér dettur í hug. Síðan fæ ég auðvitað alltaf reikninginn og þá kemur í ljós að þetta kostaði allt saman hellingspening, þó að hvert og eitt sé kannski ódýrt ..... 

Ég hélt líka á tímabili að rannsóknarverkefnis-ritgerðin mín myndi skrifa sig sjálf. Það var ekki heldur rétt. Þannig að nú sit ég sveitt og ógeðslega súr, það eru allir búnir í prófum, veðrið er búið að vera frábært en ég á enn eftir að sitja inni í tvær vikur að skrifa fokking ritgerð. 

Bestur er strákurinn sem eldaði rosagóða kássu handa mér í gærkvöldi, setti afganginn í box og sagði mér að hita upp í kvöld með slatta af osti. Bjargaði algjörlega kvöldinu. Ég hlakka líka mikið til að fá bandamann í helvítis ritgerðarskrifin á morgun!

4. júní verður þetta allt saman frá! Og þá er það bara til Kenýa, ferfalt húrra fyrir því .....